محمد صلی اللہ علیہ وسلم پر نعت رسول اللہ

Tabassum

Add To collaction

محمد صلی اللہ علیہ وسلم پر نعت رسول اللہ

نذرانہء عقیدت

تیری آنکھیں تيری زلفیں تیرا شانہ دیکھوں ـ ـــــ ـ

بارہا خواب میں منظر یہ سہانہ دیکھوں ـ ـــــ ـ

لوگ سارے تو تیرے شہر کے دیوانے ہیں ـ ـــــ ـ

میری خواہش ہے کہ میں تیرا زمانہ دیکھوں ـ ـــــ ـ

ریت پہنی ہوئی مکے کی گزرگاہوں پر ـ ـــــ ـ

نیچی نظروں سے تیرا غار میں جانا دیکھوں ـ ـــــ ـ

تیرے کمبل سے تیرے جسم کی خوشبو سونگھوں ـ ـــــ ـ

تجھ پہ اترا تھا جو حکمت کا خزانہ دیکھوں ـ ـــــ ـ

تیرے ہاتھوں نے کئی دن کی کڑی دھوپ کے بعد ـ ـــــ ـ

فاطمہ کو جو کھلایا تھا وہ کھانا دیکھوں ـ ـــــ ـ

حکم اللہ سے اس رات کی خاموشی میں ـ ـــــ ـ

سوۓ یثرب تجھے ہوتے میں روانہ دیکھوں ـ ـــــ ـ

پاۓ صدیق کو جس سانپ نے ہر بار ڈسا ـ ـــــ ـ

میں اسی سانپ کا گمنام ٹھکانہ دیکھوں ـ ـــــ ـ

جنگ خندق میں جو باندھے تھے وہ پتھر چوموں ـ ـــــ ـ

اور مصیبت میں تیرا ساتھ نبھانا دیکھوں ـ ـــــ ـ

جان کے دشمن تو نئےخوف سے تھرائيں مگر ـ ـــــ ـ

معاف کرنے کا وہ انداز پرانا ديکھوں ـ ـــــ ـ

چشم اطہر کو خدایا وہ بصیرت دے دے ـ ـــــ ـ

قبلہ رو ہو کے محمدۖ کو روزانہ دیکھوں ـ ـــــ ـ

🌹 صلی اللہ علیہ وآلہ وسلم 🌹